“O primeiro que sentes cando paso algo así é medo e inseguridade. Falei con outros  amigos que tamén son homosexuais e volvemos a sentir o medo ao saír á rúa”. Sergio foi vítima de acoso por homofobia, feito que lle desencadeou nunha crise de ansiedade. “O meu compañeiro de piso chamábame “maricón” día tras día, e eu non podía aguantar esa situación”. 

"A técnica dime sempre “ti podes” e para min é moi importante. As palabras de alento que me dá son fundamentais para que poida superalo, xa que eu soa non podía nin sabía como manexar esa situación."

"Hai moita xente que ten medo a pedir axuda, pero como aprendín ao longo das sesións, hai que ser valente e pedir axuda no momento que o necesitas. Algo que aprendín é que para estar ben coas persoas que che rodean tes que estar primeiro ben contigo mesmo, e isto é algo que traballei moito coa terapeuta da entidade. Estou moi agradecido polo servizo, e podo dicir que despois de buscar moito, por fin atopei a alguén que me axudou a sentirme ben comigo mesmo".