IPIS exclusión Ourense
“Itinerarios de inserción personalizada dirixidos a persoas en situación de risco de exclusión social da provincia de Ourense”
Fundación Amigos de Galicia oferta itinerarios de inserción personalizada a persoas en situación ou risco de exclusión ou perceptores de RISGA dalgún dos concellos da provincia de Ourense. O proxecto comprende as prestacións de entrevista inicial; deseño; seguemento e avaliación do proxecto de inclusión social e sociolaboral; accións para a adquisición e fortalecemento das capacidades persoais e sociais, incluindo accións promotoras de acceso e permanencia no mercado laboral, mediación laboral, prospección e intermediación laboral, etc.
O persoal técnico da entidade está á disposición das persoas usuarias do programa, ofertando, a aquelas persoas seleccionadas pola propia entidade, os itinerarios de inserción personalizada que contemplan as seguintes accións;
o Entrevista inicial
o Deseño de itinerario de inserción personalizado
o Valoración social individual
o Revisión de obxectivos ou actuacións
o Seguemento do itinerario
o Medidas de acompañamento e orientación social e/ou laboral
o Mellora de habilidades sociais básicas
o Técnicas de busca de emprego
o Intermediación laboral
o Coordinación con outros dispositivos de atención
o Formación en contidos teóricos prácticos e Formación ocupacional
o Prospección na empresa
o Información sobre o mercado de traballo
o Captación de ofertas
Dentro deste proxecto, Fundación Amigos de Galicia proporciona itinerarios de inserción personalizada orientados a 40 persoas dalgún dos concellos da Provincia de Ourense –ao longo de todo o proxecto que abrangue dende xullo de 2020 a xuño de 2022- que carecen de recursos económicos e contan con cargas familiares e que precisan de accións específicas que melloren as súas posibilidades de inclusión no mercado de traballo.
Obxectivos que se pretenden acadar
Desenvolvemento de habilidades sociais e hábitos prelaborais de cara a mellorar as posibilidades de inserción no mercado de traballo das persoas atendidas.
o Inclusión laboral das persoas atendidas mediante o programa.