Alexia

OBXECTIVO CONSEGUIDO!

 

SESIÓNS DE EQUINOTERAPIA PARA ALEXIA

Alexia Guadalupe López naceu o 23 de xullo de 2017.

 

Tras un embarazo de alto risco, Alexia López naceu o 23 de xullo de 2017 tras un parto sen complicacións. Non serán ata cinco meses de vida cando comezan a detectar que a nena non se desenvolve con normalidade. Despois de moitas probas médicas, a pequena é diagnosticada de parálise cerebral infantil bilateral tipo espástica; para o que precisa varias terapias médicas para poder mellorar a súa calidade de vida.

 

Dado que a familia non pode asumir as terapias que necesita, feito constatado tras un informe social elaborado pola entidade, a Fundación Amigos de Galicia farase cargo das sesións de equinoterapia para a nena. Para pagar este tratamento durante seis meses, foi necesario recoller 4.247 quilos de tapóns, para o que se espera unha boa acollida por parte da cidadanía.

 

 

Beneficios da equinoterapia

 

Coas sesións de equinoterapia preténdese que Alexia poida:

 

- Mellorar as habilidades psicomotrices

- Estimular os sentidos

- Mellorar o equilibrio

- Corrixir problemas posturais

- Fortalecer o tren inferior