Se falamos de Lito Garrido cómpre falar da Orquesta Panorama, unha das orquestras máis recoñecidas e emblemáticas da nosa Comunidade.

A Orquesta Panorama naceu o 25 de decembro de 1988  actuando no Rosal. O seu nome débese a un programa da TVG  que existía por aquelas datas. Esta banda fundouna Lito Garrido, que sen saber nada de música, coñecía as claves do éxito neste sector. Nesa época comezou con oito integrantes masculinos (el nunca formou parte dos compoñentes do grupo), cunha furgoneta Mercedes 406 e cun equipo de son de 500 vatios.

Si algo identifica a esta orquestra, é a alegría que transmite á xente que se acerca ás súas actuacións, e a complicidade co seu público. Un magnífico espectáculo que atrae ás masas e que as fai gozar verbena tras verbena.

Unha das claves do éxito foi o gran despregue de medios, unido a un amplo repertorio actual de cancións, ademais de introducir arte dramático, performance, bailaríns, etc;  nas súas actuacións.

Lito Garrido fundou Espectáculos Lito en Caldas de Reis, unha empresa adicada plenamente ao mundo do espectáculo. Leva máis de 25 anos medrando, ampliando e renovándose. Esta empresa  representa a moitas das exitosas orquestras que conforman o panorama musical de Galicia, confiando nas novas tecnoloxías e adaptándose ás novas tendencias do mercado do ocio e espectáculo.