Atención a persoas maiores que viven solas



En Galicia hai polo menos 126.600 persoas maiores de 65 anos que viven soas.

Un exemplo claro de como a soidade afecta aos nosos maiores púidose ver como consecuencia da crise sanitaria do coronavirus, que converteu a este colectivo no máis vulnerable, non só polo risco que a enfermidade supón para a súa saúde, senón tamén pola situación vivida durante os meses de confinamento, durante os cales tiveron que estar nas súas casas, afastados das súas familias (aqueles que as teñen) coa única compañía dun televisor ou unha radio que non deixaba de dar malas noticias que afectaron o seu estado de ánimo. 

Desde Fundación Amigos de Galicia estamos ao dispor das persoas maiores que necesiten axuda. Estas persoas son atendidas polas traballadoras sociais e a psicóloga da entidade para axudarlles cos seus problemas, prestarlles atención psicolóxica e converterse en puntos de referencia aos que dirixirse se necesitan axuda.