1- A Fundación Amigos de Galicia co patrocinio da Xunta de Galicia, Consellería de Educación e Ordenación Universitaria, Dirección Xeral de Política Lingüística, convoca o Premio de Poesía Suso Vaamonde, no convencemento de que prestaremos unha axuda importante ós poetas que comezan, pois así o demostra o éxito que gañaron as anteriores edicións. Para fomentar o uso do galego entre as xeracións máis novas, sabendo que nelas está de xeito importante o porvír da literatura de Galicia, e a necesaria da nosa língua.

2- Establécese un único premio en língua galega de 1000euros, para o gañador, así mesmo o xurado poderá outorgar un máximo dun accésit sen dotación económica.

3- Poderán concorrer a el poetas ou escritores de calqueira nacionalidade a condición de que presenten os seus traballos en idioma galego e non teñan publicado ningún libro de poesía.

4- O tema será libre e cunha extensión mínima de 600 versos (imprescindible).

5- Os orixinais presentaranse por quintuplicado mecanografiados a doble espacio, baixo plica e serán enviados á Fundación Amigos de Galicia, rúa de Betanzos, 18-1ºD - 15704 SANTIAGO DE COMPOSTELA.

6- Os traballos premiados serán propiedade dos seus respectivos autores, agás a primeira edición que será publicada pola Fundación Amigos de Galicia. En posteriores edicións deberá de constar a súa condición de premio Fundación Amigos de Galicia ou o accésit no seu caso.

7- O xurado estará formado por Luís G. Tosar, Xabier Rodriguez Barrio, Xosé Alonso e Antón Grande. A súa decisión será inapelable.

8- Os orixinais premiados non serán devoltos ós seus autores, nin a entidade organizadora manterá contacto con eles.

9- A interpretación destas bases corresponderá exclusivamente ó xurado que decidirá o premio. O feito de presentarse a este premio supón a conformidade do concursante coas presentes bases.

10- Os premios deste certame entregaranse no acto que se celebrará co gallo da entrega do Grelo de Ouro.

Para calquera dúbida, poñerse en contacto coa Fundación.